අතීත මතක ආවර්ජනය...!

ආරම්භය 1928

අප මහා ශාක්‍යසිංහ ගෞතම බුදුරජාණන් වහන්සේගේ නිර්මල බුදුදහම ශ්‍රී ජම්බුද්වීපයෙන් ලංකාවට රැගෙන වැඩම කළ අනුබුද්ධ මිහිඳු මහරහතන් වහන්සේගේ ලංකාගමනය හා එමගින් මෙරට තුළ සිදු වූ සමාජීය දියුණුව සිහිපත් කිරීම උදෙසාත්, එයට පූජෝපහාර දැක්වීමක් වශයෙන්ත්, 1928 ජූනි මස 15 වන දින රාගම වල්පොල ඓතිහාසික පොසොන් මහා පූජෝත්සවයට සමගාමීව මහ පෙරහැර මංගල්‍යයක් බුද්ධාලම්බන ප්‍රීතියෙන් යුතුව වීදි සංචාරය කිරීම ආරම්භ කර ඇත.

සියවසකට අධික ඉතිහාසයකට උරුමකම් කියන රාගම වල්පොල ග්‍රාමයේ පිහිටි ශ්‍රී විමලරත්නාරාම විද්‍යා නිවාස මහා පිරිවෙන් විහාරස්ථානයට අනුබද්ධව ස්ථාපිත කරනු ලැබූ "ශ්‍රී බලාභිවෘද්ධිවර්ධන සමිතිය" මඟින් 1928 වර්ෂයේ සිට අඛණ්ඩව මේ දක්වා මෙම පෙරහැර මංගල්‍යය ඉතා උත්කර්ෂවත් අන්දමින් පවත්වාගෙන එනු ලබයි.